من وحي مدونة حكاوي أخر الليل

من أمام مركز تراخيص المدونات
...
يتوقف الأستاذ مدبولي أما شاب بدين: نعم ياخويا إنت راخر
الشاب: يا أستاذ أنا بقالي ثلاث أيام كل يوم بحاول أسجل المدونة بتاعتي علي موقع الحكومة الإليكترونية و الموقع مش راضي
الأساذ مدبولي و إبتسامة خفيفة علي وجهه: إنت عملت إيه بظبت؟
الشاب: أبداً، بدخل و أضغط علي تسجيل مدونة جديدة و أملا البيانات، بعد كده تروح الطابعة مطلعالي الورقة دي و مابيعمل حاجة تاني
الأساذ مدبولي: وريني كده ...... أه يا سيدي ده إيصال الدفع ..... تروح شباك ثلاثة تسدده و تختمه من الخزينة و ترجع تسحبة علي الscanner و بعدين تبعته علي البريد الإليكتروني بتاع الموقع، نروح إحنا طبعينه و بعتينه الأرشيف ياخد مسلسل و يتسجل في الدفاتر و تيجي تسأل عليه بعد ثلاث أيام يكون إن شاء الله إتسجل و خد موافقته
الشاب و قد بدأت ملامح العصبية تظهر عليه: يعني لما أنا لازم أجي و أدفع في الخزينة، يبقي أنا بسجل ليه في الموقع ؟
الأساذ مدبولي: يا أستاذ تيسيراً علي المواطنين .... بس مش معني كده إني أكسر اللوايح و لا القوانين .... يعني إيه إيصال مش متسدد في الخزينة
ينظر له الشاب و نظرة الغيظ تملأ وجهه .... و ينظر بحسره إلي بطاقته الإئتمانية الجديدة و هو يتجه ناحية الخازينة