المقالة دي بتتكلم في موضوع مش قادر أوضح أهميته كفاية ... باختصار مستقبل البشرية القريب المرئي وحجم المصيبة إللي بنعملها في نفسنا باستخدام شبكات التواصل الإجتماعي ومواقع إستهلاك المحتوي بالشكل المبالغ فيه ده.
إحنا بنخلق جيل من المستهلكين حتي علي مستوي الإنتاج العقلي والمستقبلين المراقبين علي طول الخط، وهذا الخلق كفيل بخلق جيل من المعاقين عقليا ونفسيا والغير قادرين حتي علي الكلام بشكل طبيعي وتأثيره الأخلاقي كارثي.
إبعدوا عن استهلاك المحتوي ... إكتبوا برا الشبكة المركزية قبل ما تبقي ال Matrix الإفتراضية بتاعتنا، شوية بيكسلات علي الشاشة بتتحرك وإحنا فاكرينها الحياة نفسها.
قاوموا الإنغماس في الشبكة قوي كده، وإبعدوا ولادكم عن حالة التوحد الإختيارية المسماة التابلت.
بطلوا تفضحوا حياتكم بالشكل ده ... كل الناس بتراقب كل الناس والآله الجديد بيراقب الكل وبيحلل كلام الكل وقريبا قادر علي السيطرة علي الكل بعد ما فهم الكل وبقا عنده بيانات يحلل عليها سلوك شعوب بكاملها، مش بس أنا وإنت.
#قاطعوا_الشبكة_المركزية
#شبكات_التواصل_اللاجتماعي
#أحموا_ولادكم
أنا قررت تكون البوست دي في البلوج، مش بس علي الشبكة المركزية.
