2009-05-14

ضد حجب الحريات بإسم الأخلاق

صحيت الصبح علي الخبر الجميل ده ... إصطبحا و أصطبح الملك لله.

أنا أعتقد إن حكومتنا يهمها الأخلاق قوي ... أصلها بسم الله ما شاء الله يعني عامله إللي عليها قوي كحكومة ... فاحنا من حبنا فيها عايزنها تبقي هي بابا و ماما و تبقي هيا ضميرنا الحي الصاحي ... إللي بيخلينا مانشوفش الحاجات الوحشة إللي الخواجات بيعملوها علي النت و ماتخليناش نشوف غير إللي الست هايفة وهبي بتعمله هيا و دانا و ماريا و مروة و نجلا و من وقت للتاني بوسي سمير.

أعتقد إن الموضوع واضح .... موقع الإخوان المسلمين موقع إباحي (ماهو إللي بيحرضك تعمل حاجات عيب في الشارع بتخل بالأمن العام) و موقع حزب الغد موقع إباحي هوا كمان (دول بيزوروا التوقيعات يابا ... مش هايعلموك قلة الأدب!) و أي موقع بيتقال فيه كلمة حرة إباحي (يالهوي ... ده بيقول حرة) و إي موقع بيتكلم عن مقاطعة (إنت عايز أمريكا هيا إللي تعمل معانا حاجة قلة أدب) أو عن حق ضايع (يا عم قضيها ... هوا حد لاقي حق أصلاً لما يبقي فيه حبة منه ضايعين) يبقي هوا كمان موقع إباحي.

بس انا أحب أقولهم إن إللي بيستحل حريتي بإسم الأخلاق هوا إللي بيعمل حاجة قليلة الأدب فعلاً و هوا ده إللي المفروض أحجبه من حياتي و أتخلص منه و من تأثيره. 

2009-05-12

يالليل من الحب صاحى

يالليل من الحب صاحى .. ومن الشقا نعسان
على كل طوبة ندى .. وشذى وأمل أنسان
من الضلام فى الضى ومن العطش فى الرى
من ألف حى وحى
من ألف عام وانا عايش فى الزمان الجاى
يالليل من الحب صاحى .. ومن الشقا نعسان

--فؤاد حداد

أنا غالباً سمعتها قبل كده في حفلة من حفلات وجية عزيز الخمستاشر إللي أنا حضرتهم لحد دلوقتي (في ثلاثة أربعة لوحدي ... و إثنين مع كريم و واحدة مع شوقي و ثلالة أربعة مع لميس و واحدة مع راتب) بس  مافتركتهاش غير لما عم مهدي قالها و هوا في مصر من إسبوع كده ... ربنا يجيبه بالسلامة

2009-05-05

Finished my first step in Oracle

I've just finished my first 2 Day Guide to Oracle Administration (or 2 Day Oracle DBA), I've managed my first Oracle Installation and gone over all the steps, but this beast is too big to grok anytime soon, and I assume I'll need some months (to speak optimistically) to gain an entry-level knowledge of this platform, but I think it is worth the effort.